No.000
前言

 

前言 1
一直以來,forum上最常見的其中一個問題~

"呢個頭要點同髮型c講?"

但其實,在髮型上根本無一個絕對清晰的界線,
去形容一個髮型.因為一個髮型是將幾個不同的剪髮技巧用在不同的頭髮分區上,而在某一個分區做小小改動,
出來的造型已可以有很大變化,
所以在髮型層面上,文字根本唔夠作絕對表達.
以相片去詢問,希望獲得文字解構的話極其量只表達到一個大概,假設就某一相片而言,若然得出的結論是
~係兩邊高層次,頭頂爆轉,前陰拉碎~
但到底兩邊高層次要幾高?前陰拉碎又要有幾碎?
這種種都是無辦法100%肯定的描述得到的.
所以最安全是帶相予你的髮型

第二,
又有很多人以為剪唔得好係因為自己唔識講,
但其實你根本無需要擔心唔識講,
別想錯方向以為要識講識到好似髮型c一樣咁仔細
佢先識同你點剪,而有好多細微野根本講唔到,
係由個stylist睇完個頭骨面形之後作出既微調,
睇個髮型c本身態度,一個識剪既stylist自然識睇,
睇到你頭骨面形有咩問題自然識對付,
其實唔需要刻意諗點樣同stylist講,
只想叫你們別過份擔心,
找一個溝通得到的髮型c然後信任你的髮型c,
最穩妥做法都係比張相佢睇^^

第三最常見問題~

"我想摷亂摷起個頭,但點正都係一舊野,
起唔到,應該點gel先好睇?"


這個並非styling的問題,係cutting問題.
多見於全個髮型都由牙剪去建立的情況之下,
著重在厚的地方就偷薄,完成後頭髮薄了輕了,
髮根底下很多空間卻同時彈起或散開,
兩三星期後頭髮生長再形成"一舊野",
不少人以為係自己唔識gel,
但MAIN POINT其實係因為無層次,唔關應該點樣去gel.
因為髮型其實係剪出黎,而唔係GEL出黎,
落泥只係加以輔助個造型,試想想,
等於你不能夠籍著翻新一幢大廈的外牆油漆,
便改變到大廈本身的鋼筋結構一樣~

第四,總括幾類同性質的疑問~

~"那間salon剪男仔頭最好?"
~"那個髮型c電髮最好看?"
~"我剪什麼頭才最好?"~等等......


"文無第一,武無第二"
並無一個所謂最好既men cut,最勁的salon,
最top髮型c等等....
剪頭髮,是很個人的,不存在 "最美" 這回事,
每個髮型c都有自己一套,
同一個面形亦不只得一個髮型好看,
不同的成長經歷不同的學習環境不同的髮型理念
演化出不同的hair stylist,
最終只視乎client自己是否喜歡,
當然還是會有一個客觀標準,但真的沒有"最"這回事呢~
他剪得好看的不等於你剪得好看,
最重要的是清晰地說給髮型c聽過你的喜好,
工作性質,斯文或另類,
髮型c判定頭骨面形,然後為你想好適合你的髮型,
這才是一個於你而言的好髮型,
但亦不一定可套用其他人身上.
所以髮型因人而異,只有夾或唔夾,
並沒有一個最好的定義.
最後,
建議各位,多嚐試不同的地方去試,
去遇一個接收到自己意思,風格適合自己style的髮型c,
別苦苦去追求一個"最勁"的髮型c,
也許你會從過程中清楚自己想要的東西呢.<The end>
------------------------------------------------

   

 

No.001
-鹽水解構:

 

--------------------------------------

鹽水,一些髮品店的sales叫做"水泥",
因為它做出的效果是乾燥瓦色地鬆起,
近似髮泥感覺.
但其實不然,鹽水是內在改變,
泥是外在加建,
髮泥(clay)是帶"lim"性的,
是以一層物質包裹頭髮而造出定型,
但鹽水不是定型,
是加強頭髮本身的力度,
需在頭髮濕但未有
任何外來物質的時候接觸頭髮,
熱風吹乾,鹽水會受熱擴張鱗狀表層,
全乾後你會摸到頭髮粗糙,
髮尾輕微打結,輕微的粗少許,
但因為每一條頭髮都粗了的關係,
組合起來全個頭就會明顯豐厚.
但沒有鎖定了形狀,
你依然可以梳頭,可改變方向,
甚至"com"平曬都得,
但當再由髮根推上的話,
它又會企得起,是因為髮質texture已改變,
不是凝固系,是結構改變,是內在的,
所以鹽水不是髮泥的同一類型,
..
就我自己個人的使用偏好,
因為鹽水並不是一種凝固系的造型產品,
它只會令頭髮變得挻身d,不會硬不會立,
有時我唔想個晚要洗頭或只想隨意d的日子,
就會只用鹽水,等個頭鬆d有d力,
用手推鬆小小個頭就有個型出黎,
想由朝keep到晚就鹽水先再用spary^^
但唔會令頭髮直OR鬈,
佢係for天生軟,貼頭髮質或地中海用,
我d高髮線men客我都會叫佢用,
配合一個低層次厚身前陰,
再用鹽水,本來遮唔曬頭肉都遮得曬,
因為每條頭髮都粗左,
感覺頭髮會濃密左好多,
而呢個係我近期最興奮的發現^^"

天生軟既髮質用幾多泥都唔會hlod得耐,
(愈多愈死,落太多泥,仲重.)
係因為幼細既頭髮根本撐唔起.
應該先用鹽水打底,再搽泥,
因為鹽水會令幼細的髮絲擴張變粗,
個地基實左所以落泥就撐得起.
現在市面上已有有很不同品牌的鹽水,
就個人使用過的鹽水而言,
感覺純鹽水的其實有某幾個品牌,
如KMS,V & G (salon series),AVEDA等等...
而FADDY,WELLA,
ROCK STAR,HAIR CHITECT都比以上牌子有力,
剛噴完時的效果比V & G(salon series)等硬很多,
是因為它們都加了定型水成份,
3個鐘打後充就會FEEL到"立",
沒有最好OR不好,
性質與結果的分別,
視乎你求的是什麼.

鹽水TIPS:


第一點,

鹽水不要直噴頭皮,
信我,
任何的STYLING PRODUCT都不要接觸到頭皮~


for faddy,wella:
洗完頭唔好吹乾,
將鹽水噴在掌心,
再搓揉在髮面及髮尾,
(不要搓到入髮根!)
(到髮根即是到頭皮!)
唔好咁多,
因這些都有定型水成份,
MEN頭噴掌心三下FOR前面,
後面兩下,兩邊各一下好喇.
之後吹頭,
吹乾就FEEL到.

for 純鹽水:
純鹽水,
無定型水成份,
要喪噴,
成個頭分左右後前陰頭頂五PART,
在掌心噴5下FOR每一PART,
再搓揉在髮面及髮尾,
(不要搓到入髮根!)
(到髮根即是到頭皮!)
洗完頭擦乾到不滴水就搽,
成個大概20下,
熱風吹乾後粗髮便會成形.

   
 
  No.002
層次解構

 


層次的意思是由頭髮最短的部分接續性地接駁至最長的底部,
層次角度準確接得好的話,頭髮會顯得很立體.
即係由頭頂最短既起點一路駁到落最前既陰,陰是層次的底部,最長,
只要層次駁得好,無斷,由底部長的支撐住上面短的,頭頂最短最輕的關係會自然豎起,
而難度就是在於要一吋一吋地量度住上個接口去剪短,並剪得smooth,
就算洗完頭唔gel野,或者亂咁正亂都好,只要跟住頭頂個轉位既方向順住咁撥,
就自然會有個型出黎,層次做好再搽泥,都係順住轉位推幾下,已經ok,
你一定可以gel到好似你岩岩剪完係salon離開時那個樣,而且只係三幾分中內的事情.
總之由底部最長一層一層的漸短直到最頂的最短,這就是層次.

而牙剪咬碎就係唔建立層次,拿起一片頭髮假設有十條,有齒的牙剪夾下去筆直地剪短了其中的五條,
剪完夾起然後拿下一層的頭髮做同樣動作,比較濃密既頭就咬入d個落髮根到,(摸落頭肉度會覺得拮手)
輕左好多但爆起晒,一般密度的就由髮中咬起,不計算頭骨的差異,
成個頭由牙剪剪完之後薄薄一塊紙,幾條mo飛下飛下,剪完頭兩個星期都你會gel得起,因為夠碎,
但一長小小就點摷都一舊野咁,鬆唔到,係因為個底咁長個頂又咁長!
如果你到salon的週期是兩個月一次,層次的頭直至你下一次剪之前都會正正常常,
牙剪咬碎的玩唔到一個月你就會攪唔掂要去再剪.

層次=3D 牙剪=2D
----------------------------------------------------------------------------------------------------------------------
其實我一直疑惑.為什麼這麼多人問我"呢個頭要點同髮型c講",因為在髮型上根本無一個絕對清晰的界線,
去形容一個髮型.因為一個髮型是將幾個不同的剪髮技巧用在不同的頭髮分區上,而在某一個分區做小小改動,
出來的造型已可以有很大變化,所以在髮型層面上,文字根本唔夠作絕對表達.
比相我睇,以文字去解構的話,我極其量只教到你一個大概,就呢張相而言,~係兩邊高層次,頭頂爆轉,前陰拉碎~
但到底兩邊高層次要幾高?前陰拉碎又要有幾碎?呢d都係無辦法100%肯定的描述得到的.所以最安全只有比相佢睇~
又有好多人以為剪唔得好係因為自己唔識講,但其實你根本無需要擔心唔識講,
別想錯方向以為要識講識到好似髮型c一樣咁仔細佢先識同你點剪,而有好多細微野根本講唔到,
係由個stylist睇完個頭骨面形之後作出既微調,睇個髮型c本身態度,一個識剪既stylist自然識睇,
睇到你頭骨面形有咩問題自然識對付,其實唔需要刻意諗點樣同stylist講,最穩妥做法係比張相佢睇^^

有好多人成日係度問我,想摷亂摷起個頭,但點正都係一舊野,起唔到,應該點gel先好睇,
但其實呢個並非styling的問題,係cutting問題.如果一個頭只用牙剪去剪,一味咁咬,
見到好厚既就咬到入根,咬完當然薄晒,但亦彈起晒散晒,唔夠兩星期長番又一舊野,d人以為係自己唔識gel,
其實係因為根本無層次,唔關應該點樣去gel.因為髮型其實係剪出黎,而唔係GEL出黎,
落泥只係加以輔助個造型,試想想,等於你不能夠籍著翻新一幢大廈的外牆油漆,便改變到大廈本身的結構一樣~
----------------------------------------------------------------------------------------------------------------------
其實並無一個所謂最好既men cut,其實所有髮型都是由不同的層次組成的,只有one length除外,
但層次都分幾種,層次係一個統稱,唔係單一樣野,都要配合番你需要而有所不同的層次^^
而每人的頭骨面形皆有異,需要配合番你的喜好,工作性質,斯文定新潮,來決定個層次點剪^^
亦唔洗話要留到咁上下長先剪到既,短髮有短髮既層次,長亦有長既層次^^當gel唔到就要剪番d層次~
他剪得好看的不等於你剪得好看,最重要的是髮型c聽過你的喜好,工作性質,斯文定新潮,判定頭骨面形的情況,
然後為你想好適合你的髮型,這才是一個於你而言的好髮型,但不一定可套用其他人身上.
所以髮型因人而異,只有夾或唔夾,並沒有一個最好的定義.
---------------------------------

 
   


 

  No.003
負離子的操作程序~

 

 

1)軟化頭髮.其實頭髮內部的構造像一條鎖鏈一樣,一個圈扣著一個圈,如果所有圈是直線地排列的話,頭髮便會直,
相反是胡亂排列的話就會鬈,試想想一條"s"形前進的蛇就會明白.
所以負離子的第一個step是軟化頭髮,即是將所有扣著的圈打散.

2)直線重組.以負離子夾加熱,熱力會令散開的圈澎漲而重新連結,
基於負離子夾是兩邊垂直的關係,所以圈的重組被迫成直線.

3)凝固.圈已重組成直線,但圈興圈之間尚有許多空位,
打入高密度蛋白質以填滿這些空位,圈無空間活動,頭髮就唔會鬈番.

所以第一個step最重要,頭髮軟化得不夠徹底,之後夾到幾直都無用,
相反只要軟化得夠,SETP 2 時個負離子夾用百二三度中溫,慢慢手輕輕一夾已順直貼服,夾多幾下反而仲乾.
做完負離子後最底部既頭髮依然係有曲既現象,其實那是乾而且散,但不是曲,愈底部的頭髮就愈多歷史,
或者已陪你渡過了好幾次負離子的高溫洗禮,所以最乾,其實應該輕輕剪左d震既髮尾,咁就ok^^

   


 

  No.004
什麼是游離子?

 

其實真正能夠直髮的只有負離子,而游離子其實是一個專FOR負離子的TREATMENT,
它的出現大約是在負離子面世1年半之時左右,因為當時有很多做過第一次負離子的人開始再做第二次,
但做完兩次之後的頭髮已經變得很乾,當時NP3.1尚未普及(或未面世我不肯定>~<),
而普通焗油對負離受損的頭髮的效果又不明顯,所以出現了游離子,
它的理論是用負離子夾將搽放在頭髮表面的游離子物質以高溫打入頭髮內屠,
令髮芯徹底吸收精華,所以真正的游離子是不會直髮的,只會修護.

市面上宣稱的游離子直髮,納米離子直髮多數是一些比較高質的負離子LOTION,
你的髮形c話無納米離子直髮他算有良心,別怪他.
但坦白說,其實游離子的效果並非如此震撼,做3.1或長期水份TREATMENT更加好.

   


 

  No.005
傳統電髮,日式電髮與陶瓷曲髮解構

 

日式電髮是用日本電髮芯做出來的,電出來的鬈比較柔和輕盈,沒有傳統電髮芯的鬈那麼實,比較自然.
日式電髮與傳統電髮都是捲好芯後落藥水的做法,陶瓷則是一個新的概念,是由負離子演化出來的,
頭髮會經歷被打散再重組的3個過程~
陶瓷曲髮的操作程序~

1)軟化頭髮.其實頭髮內部的構造像一條鎖鏈一樣,一個圈扣著一個圈,如果所有圈是直線地排列的話,頭髮便會直,相反是胡亂排列的話就會鬈,試想想一條"s"形前進的蛇就會明白.所以負離子的第一個step是軟化頭髮,即是將所有扣著的圈打散.

2)曲線塑造.根據想要的效果捲上陶瓷芯,頭髮包在陶瓷芯外,陶瓷芯由髮內加熱,熱力會令散開的圈澎漲而重新連結,基於陶瓷芯是圓柱形的關係,所以圈的重組被改造成曲線.

3)凝固.圈已重組成曲線,但圈興圈之間尚有許多空位,
打入高密度蛋白質以填滿這些空位,圈無空間活動,頭髮就唔會直番.

 
   


 

  No.00

 

 
   


 

  No.00

 

 
   


 

  No.00

 

 
   


 

  No.00

 

 
   


 

  No.00

 

 
   


 

  No.00

 

 
   


 

  No.00

 

 
   

 

 

 

 

 

  No.00

 

 
   
 

 
yon  @